叮叮蛋糕

晏晝盒lunch只食了一半，放工就有丁點肚餓。本來可以食埋餘下的半盒lunch，但不想吃太heavy的，加上今晚好像有大餐食，要留一點點肚！

忽然發現枱頭放著從日本買回來的方便蛋糕，就是加隻蛋攪勻，叮分半鐘就食得那種！本以為加隻蛋落包粉度會有排攪，點知好快便勻，無晒粒粒！有心機時間的可以將氣泡逐一篤爆，否則像我般餓到暈的可以就咁放入叮叮爐。
分半鐘之後，蛋糕便焗起！雖不像佢幅圖咁圓，但熟就得啦！以叮叮食物來講，又幾好味幾鬆軟喎！
而且唔黐底，掂！
100円店買的，一盒兩個，平過食Tim仔muffin。咁平唔知得唔得，當時只貪得意買了幾盒做手信，一人一盒，自己也只得一盒！早知買多0的啦！