早食早着，遲食訓唔着

今晚又沒人在家食飯，當然又係由我話事。一直想將晚飯時間提早，今晚是個好機會。由平時的八點幾提早到六點，早食早消化！簡單地煮了龍蝦丸烏冬，另加叮叮燒賣。三個小烏冬，兩個人食唔晒，剩餘份量剛好夠我帶lunch。

唔夠兩句鐘，唐生便嚷着肚餓，終於在九點擦了一大碗cereal。原來，改革需要時間。下次先試試七點半，然後七點，然後六點半，然後六點。到時應該差不多是我們離家出走的時候，到時由我全權話事，一放工便食飯，休息兩個鐘便落樓下做gym（比0左管理費0架，梗要用吓啦），咁就健康生活由此起嘞！