打從知道那個地方除了觀賞以外還有實際用途之後，就決定將來要是生孩子的話，他就要喝我的奶長大。
近年聽到越來越多關於母乳的好處，就更加令意志堅定起來。反正以身材走樣來換取寶寶的健康，還可以省下奶粉錢，划算划算！
最近開始認真研究，就發現好多半途而廢的個案。大多是因為痛楚、奶水不足、不懂餵、怕寶寶不夠飽等等的理由，最後改餵formula。
始終未試過，唔知會有幾難。不過地球上的哺乳類動物不都是餵母乳的嗎？何曾聽過貓貓狗狗會因為餵唔到而跑去買奶粉的？
暫時是決定在家就埋身餵，外賣就靠泵的，不過又怕寶寶習慣了膠嘴會離棄我。
現階段不敢肯定自己會否成功，但至少我會嘗試。
6 comments:
凌姑娘話﹕只要信tomorrow will be a better day,人人可以做得到。 最緊要真係要有決心囉~~~
醫生頭幾日係有話阿仔有黃﹐要加奶﹐不過用feeding tube勁超級麻煩﹐試左五分鐘放棄﹐我信我一定可以自己搞得掂﹐結果真係上左奶﹐阿仔個時仲勁好肉添~~~
有人話谷奶好痛﹐我真係唔係好記得﹔我淨係記得上奶好大舊個排﹐我迫阿仔幫我清晒佢 (跟住好似飽到嘔奶﹐哈~~~~) 然後出現‘人肉噴泉’事件﹐跟住就一路餵一路餵﹐從來無用過奶樽奶咀﹐因此慳返好多洗奶樽的時間﹐岩晒我呢d懶蟲型媽咪﹗ 呵呵呵~~~
建持﹗建持﹗建持! 最好的方法係屋企無奶粉﹐甘想試都無得試喇﹐哈哈哈~~~
我都想唔用樽唔用泵呀，但係又驚岀街餵會麻煩，就算唔理人望，都怕遮遮掩掩會令佢食得唔舒服。
其實而家都已經開始痛，唔知谷奶會痛幾多，不過總唔夠生仔咁痛0者！
總係覺得媽媽同寶寶之間係會有個默契，佢夠鐘食、要幾多，我就會有辦法供應。
第時介紹你買台灣出的餵奶衫﹐設計很好﹐不用遮遮掩掩﹐唔係留心望會以為你在哄小孩睡﹔再唔係﹐可以上車餵﹐就無人看得見喇 : ) 原產直銷就可以好carefree帶住小B去旅行﹐正啊﹗
好呀好呀！點都係直接餵好過泵0黎泵去！淨係買幾個樽0黎飲水飲果汁就得啦！^___^
係喎！上車餵咪得囉！我還在幻想自己在酒樓，隔離一路食叉包我一路餵“外來的食物”！
飲水飲果汁直上sippy cup得喇﹗ 樽都慳返 : )
哺乳裝仲賣緊春夏款﹐等年尾出秋冬先買就可以了~
咁咪連洗樽同消毒的架生都慳返！！
Post a Comment