心水清的應該已經有個疑問嘞，明明我家只有六人，點解會變成一行八人呢？自己估吓啦！
其實一家人去旅行我是沒所謂，反正可以一家人出門的機會真的買少見少，要咁多人一齊儲夠錢，一齊請到假，一齊想去同一個地方喎，幾難！加上過多三個月就搬走了，一家人食餐飯也不是咁易約啦！
倒是擔心行程裡會出現的問題！我是個typical的處女座，事事要安排得好完美。萬一出了岔子，要臨時改變計劃，我是會發瘋的！不過一行有八人，難免會有小問題，迷路啦、排隊比錢久等了啦、溝通上出問題啦....總之就是未必可以按着行程走啦！
還有八人裡面只靠我那不足半桶水的日文，咁就好唔得閒嘞！本來如果沒人識的話，大家都會自己想辦法搞掂。但當有一個人識少少的話，比着你會依賴那個人啦！如是者，食飯點菜、買衫試衫我都走唔甩了！好在日本是自動販賣機王國，唔駛講0野的，看圖識字，搞掂！
不過人多也有好處，起碼唔駛周街搵人幫我們影相！上次honeymoon，不是拍了一大堆單人照，就是找人拍雙人照卻又拍得不好，又唔好意思叫人影多張，今次應該不會有這個問題啦！
2 comments:
ok let me guess... the other TWO are: 1) 扶老= your "lo yea + lie lie" OR 2) 攜幼= u got a TWINS!???!?! haha
0岩0左少少！
不過我係絕對唔會陀住對Twins去東奔西跑的，搵命博咩？！
繼續估啦！
Post a Comment