約了1:30做massage，不想太晏食lunch，怕吃得太飽之後趴着被人按會作嘔，於是未夠11點便食個brunch。
好喜歡食麵，尤其是日本的、白色的，稻庭烏冬、讚岐烏冬都是我的最愛。今天選了幼幼的友白髮麵，加入幾粒水餃，變成餃子素麵。
最討厭煮意粉時往往難以estimate份量，不是太多，就是太少！所以好喜歡這種一束束的包裝，不用估計，一束就是一人份。一包5份，大概兩三蚊吧，各大華人超市有售。
麵質彈牙爽滑是重要，不過只用清水煮的話，想好食都難，所以食麵最緊要湯底！岀街食麵，因為人家的湯底熬了幾萬年，湯入味得不得了，家裡難以模仿。
好在時代進步，超市裡面已經有一瓶一罐的湯底賣，而且味道也不錯。我愛日本麵那種清清的木魚湯底，不過總不會為了吃一碗麵而在家熬幾個鐘吧！這個產品就救了我－濃縮4倍的木魚湯底，一人份的湯麵，加兩三湯匙就好，已經好夠味了！一大瓶九百幾毫升，H-Mart減價時賣$6.98，有排用！以後岀街不會叫清湯底的麵食了，要食就食在家整唔到的味道啦！
5 comments:
wah... those Japanese noodles seem delicious~ :P
多謝介紹啊﹗ 阿仔最愛吃烏冬﹐但用小魚仔煲個味始終唔係街外個隻﹐下次買支試下先﹗
另外﹐你會唔會知整日式豬扒蛋飯用邊隻汁呢﹖﹖﹖ H mart幾百支汁﹐睇到頭暈眼花啊﹗
印象中係有見過豬扒飯個汁，也曾經買過味道差不多的親子丼汁，好方便，煮好個飯照頭淋上去就食得，不過牌子名實在是忘了，也好像有一段日子沒在市面上見過！
而家煮就會用這個木魚湯底（一杯半）＋味醂、日本豉油、糖（各3湯匙）自己調教，不過始終不及現成的方便！
我最鍾意逗留H Mart那個賣醬油的aisle，好好睇0架，不過真係要在裡面找自己想要的那款就實在好眼花！
下次去開見到那支豬扒飯汁就影張相過你睇啦！
唔該你先﹐呢兩個星期spring break無堂上﹐天氣好再去H mart走走﹐睇下好唔好彩先得。
味醂我也想買一支﹐有無邊隻牌子好味可以介紹下﹖
味醂我是用Kikkoman的，紅色蓋，白色招紙，上面黃黃綠綠的！
Post a Comment