流行東京攻略

狂煲晒兩輯流行東京，為的只是到東京找吃的！反而沒留意買的，一來杜如風介紹的多數是我沒興趣的潮牌，二來去到東京哪怕沒得買，只怕你唔買而已！上Yahoo!知識見好多人問「東京邊度有Burberry、agnes b買呀？」，我真係好想答句「根本周街都有，就算唔係專門店，百貨公司都有counter，無須特登跑去銀座找啦！情形等同問人香港邊度有佐丹奴一樣！」

可是食卻不一樣，雖說求其入一間都會好食過加拿大的日本菜，但萬一誤打誤撞入了家貴到爆的就唔好啦！別忘記今次一行八人呀，research點都要做好一點！

杜如風介紹的，絕對是平靚正之選。不過我們只在東京停留兩日半，扣除酒店包的早餐，基本上得5餐正餐，加埋餐與餐中間攝入的街頭小食，實際上塞得幾多落肚呢？所以要從平靚正中找精選，再挑出順路的食店，其實也蠻花時間。

好在杜如風介紹而我又有興趣的，多數不只一家店。只要抄底店名，再用搜尋器找找（當然是要打日文啦！），便不難找到店子的網頁。Click入店鋪案內就會見到所有分店的位置，有些還有地圖0添，不過沒地圖也不緊要，copy個地址，paste上日本Google Map就得啦，還可以zoom到見到實景喔！多數網頁還有Menu（メニュー），睇見都想食！！

目前雀屏中選的有以下幾間，有些是參考流行東京的，有些是自己找的：

くろべこ亭－黑毛和牛100%Hamburger專門店

一份160g的黑毛和牛鐵板漢堡扒午餐還不過￥980，100%黑毛和牛喎，去邊度搵？新城市鐵板餐都要呢個價錢啦！覺得漢堡扒始終遜一點嗎？沒關係，黑毛和牛Steak啦，150g也不過￥1780！

有兩家分店，不過還是原宿那家就腳，就在Laforet同表參道山附近，食完就行街消化吓！


はなまる－讚岐烏冬

烏冬分大中細碼，大有大食，細有細食！

分店遍佈全國，我們準備第一晚就去新宿歌舞伎町店。


リトルスプーン－Little Spoon咖哩飯

又係分大中細碼，有辣有唔辣，頭三級價錢包括在餐裡。要勁辣的還可以上多三級，每級加￥50。

分店在東京及北海道，不過北海道的menu選擇多一點，所以留待到北海道先食！


Choco Cro－朱古力牛角包

其實叫St. Marc Cafe，不過因為名物Chocolate Croissant爆紅，所以人人都叫它Choco Cro。

分店也是遍佈全國，我們將會見到又食得落時就食！


天丼てんや－見到天丼，都估到係食天婦羅飯嘞！

上次已經拜訪過淺草的分店，價錢相宜，而且質素不錯，食過番尋味呀！

東京周圍都有分店，不過就是還未攝到入行程裡面（因為實在太滿了），也許要攝做下午茶嚕！


還在debate要不要食金太郎丼好，話晒它的海膽丼好評如潮，不過北海道的海膽不是更新鮮嗎？