因為行錯路，好不容易才找到日清即食麵發明館，耽誤了不少時間。
終於來到了，嘩，好多杯麵呀！！這裡展覽了即食麵的歷史，入場是免費的，值得一看！
還有個地方可以自製獨家杯麵，￥300一杯，可以自選材料兼自己設計包裝。不過因為時間不足，當時又有好多小朋友排隊，加上在下的畫工實在唔見得人，所以還是算了！到食堂食個特別版杯麵之後，便趕往下個目的地。
點解要咁趕呢？因為要趕在兩點前來到神戶這家Steak Land Kobe食神戶牛午餐呀！好在這家店不難找，搭阪急神戶線在三宮站落車，在西口方向落樓梯轉右便見到這個招牌！！
這家店的午餐好抵食，150g的神戶牛鐵板燒＋味噌汁＋沙律＋前菜＋白飯＋炒雜菜＋飲品才不過￥2980！平時我倆食0野通常是點兩份不同的，可以試試不同的味道。不過今次我們一人點了一份，唔駛爭！這個價錢食到的神戶牛當然不是最上等的，不過已經入口即溶，食完好想再encore！
出到外面大街，也有賣神戶牛的攤檔，即管買個神戶牛Baby Steak（￥500）同神戶牛薯餅（￥100）試試！
Baby Steak果然好baby，當然不及午餐那份咁好味，不過如果沒試過前面的，這份已經很不錯！
食完一輪之後便到Mosaic Garden逛街，作最後衝刺！行完又係時候食啦，今晚揀了Fisherman's Market海鮮自助餐。見人一抽抽長腳蟹剝來食，我卻怕麻煩，所以沒食到幾多。不過喜歡食海鮮的話都算抵0既！
No comments:
Post a Comment