薑汁撞奶

我愛吃燉蛋燉奶之類的甜品，可是唐生卻沒興趣，偏偏坊間的食譜都是一次要整幾碗的，而且為了一碗燉奶又發蛋又攪又燉，實在費時，搞掂時已經失去想食的意欲。於是唯有轉食薑汁撞奶，過程簡單好多，而且可以只整一碗，正合我心意！

份量我是求其的啦！總之想食一碗就度一碗奶，如此類推嚕！

先磨好薑汁，薑越老越好，磨岀0黎多0的粉末（係令奶凝固0既成份）。用篩隔走薑渣，薑汁放入碗備用。至於份量，起碼要有大半茶匙先會凝固，當然想要重0的薑味咪磨多0的囉！

用中火將奶加熱，見有煙岀就熄火加糖攪勻。記得熄火，如果唔係煲奶好快會黐底！至於加幾多糖就視乎你想要幾甜啦，我通常一碗奶加一羹半糖（是茶匙啦！）。

等奶降溫至大概80度就可以撞落之前放了薑汁個碗度，記得撞前要攪一攪薑汁，等裡面的粉末平均分佈。如果冇廚用溫度計的話，加糖後攪3－5分鐘，一來make sure糖溶了，二來也可以幫助降溫。

撞好之後就咪搞佢，此時最好做善後工作（洗碗），大概待五分鐘就會凝固啦！
成功！！