Friday Brunch

今日放假，早餐吃好一點的。上個禮拜在韓國超市買了包Cake Mix，是被那厚厚的pancake吸引着，加上減價$3.99一包，抵！其實除了pancake還可以整曲奇蛋糕仔等等的，不過我最喜歡pancake。細個時成日會去百佳買pancake粉，不過總是煎不出厚厚的樣子，跟麥當當的差好遠。這包粉的好處是獨立包裝，大包裡面有四小包，每次用一包就剛剛好。
一包粉加一隻蛋加140ml奶，攪勻就搞掂！像叮叮蛋糕一樣，三兩吓就攪勻，唔駛出動電動hand mixer。
落粉之前一路攪，打些空氣入去，便會軟熟一點厚一點。睇吓煎得幾靚！
嘩！勁厚呀！成舊蛋糕咁！一包粉可以煎3－4件咁大的。
當然啦，想煎多幾件咪整細一點囉！
不過落粉漿一定要平均，否則會變成鍾無艷！
後話：將食剩了的放了入雪櫃，花師奶見到以為我從麥當當帶回來的！