咖喱雞炒烏冬

平時花師奶煮飯，都係食中餐多，到我煮飯時都會食點特別的。尋日放半晝，更加唔可以打苦頭，一於煮咖喱雞炒烏冬（起碼令「人」覺得好複雜嘛！）。
上次特價時買了盒咖喱磚，以備不時之需。
我鍾意食冰烏冬，貪佢夠彈牙。不過用0黎炒就要先烚軟，再隔水（要好乾身，可以再用paper towel印吓）。一包五餅煮晒，諗住自己食一餅、帶飯一餅，唐生食餅半，另外餅半帶飯。
輪到個汁啦！首先爆香雞柳（當然係要洗乾淨、切好同調味啦，唔駛講得咁清楚啦0掛！），如果有洋蔥就爆洋蔥先啦，香0的！
雞熟後加入粟米，可以加紅蘿蔔、薯仔等等（不過薯仔我就會爆香0左先！）。（睇我隻手幾滑！不過尋晚比咖喱汁彈親）
一般用一舊磚就落三杯水，不過因為要用0黎炒烏冬，個汁要杰0的，所以今次只係落0左兩杯水。
舊磚其實可以再分開四格，所以少人食的話可以用少0的！（擺出來時唐生以為是朱古力，差點咬下去！）
今次我就用晒四格，不過都要劈開先放落個煲，就會容易0的溶。要不時攪動喔，咪舊磚會沉落煲底，黐底呀！
最後炒烏冬，再加埋咖喱汁撈勻，搞掂！

最後，除了我帶了飯之外，其他都被吃清光！