未ready！

看醫生時閒話家常，他問我有冇諗住生。我說沒有，未ready！

當然除了他，身邊的朋友同事都有問。不過我還是那句：未ready！

說真的，是有想過生，不過經過上次的疑雲，擔心的比開心的多，便知道自己真的未ready！間唔時會泛起想要的念頭，是因為打從心底我是喜歡小孩的，不然也不會副業去教小朋友。不過每當在街上見到嘈喧巴閉的搗蛋B，便跟自己說還是不要好了！加上生了個B，樣樣都係錢，自己慳埋都唔夠佢洗，還有時間心機呢，不是個easy job喔！而且我喜歡的是幾歲大的得意小朋友，咁到佢脫離小朋友行列點算？還會覺得得意可愛嗎？

醫生話，我們而家仲細，有的是時間。考慮清楚才決定吧，生了出來就冇得塞番入去啦！佢話physically到30歲才考慮都未遲，不過要考慮的不只是生仔的年紀，而是要做到幾歲他（們）才會甩身。佢仲話，最好生兩個，小朋友有個伴便不會成日lur大人玩，冇咁煩喎！

還是那句：未ready！