醫生與我

今日要做body check，由於要空肚抽血，便約了晨早的appointment，免得餓壞肚子。

10:15去到，先度高磅重。嘩！高了半吋喔！乜我仲有得高咩？

靚仔醫生10:30才推門進來，早知唔駛咁急啦，趕到我0丫！醫生說我身體沒甚麼大問題，只是血壓有點低，不過未至於要擔心的地步。其實我都知我是低低0地，有時自己都feel到好似想暈咁，不過touch wood未試過真係暈！

唔經唔覺，我跟了靚仔醫生都九年了！最初不是看他的，是要看隔離房那個很酷的女醫生。後來有次發高燒，其他的醫生都不在，只得這個新牌仔肯收新症，唯有看他！還記得那次都燒得幾厲害，第二日他還親自打給我問候一番！而家好少醫生咁關心病人0架啦，那次之後我就愛死他了！隔離房那個超冷酷兼廢廢0地的女醫，我忘記得一乾二淨了！

不過去看他也很有挑戰性，首先appointent是很難約，今日打去約嗎？起碼下個禮拜先有得睇！去到黃金商場又難泊車，車位又少又窄人又多！入到醫務所還要起碼等半個鐘至九個字才見到醫生，真係少點耐性都唔得！

不過等幾耐我都會繼續等的！