一點鐘去到纜車站，勁多人！問龍尾的警察叔叔龍頭在哪？佢話要排四個幾鐘，決定放棄！明明是返工返學的日子，究竟香港哪來咁多閒人呢？？
由於今晚約了公公阿姨在佐敦食飯，便提早岀去食個下午茶。每次返香港都會到澳洲牛奶公司一趟，今次也不例外，炒蛋多士更是必食之選！話明食下午茶，當然是點茶餐。
我：唔該兩個茶餐。伙記：煎蛋定炒蛋？
我：炒蛋
伙記：意粉定通粉？
我：意粉，一凍一熱奶茶。
這裡的伙記的速度，令我都有點心急，成日想在他發問之前一輪嘴落單。好想練習說：茶餐要炒蛋意粉奶茶，但每次都比他慢！
不消十秒，沒誇張，是十秒，餐點便送上！最愛將炒蛋夾入厚多士，蛋夠滑夠份量，是他們的招牌菜。單點的話，記得叫炒蛋多士，而不是蛋治烘底，雖不知味道上有何分別，但起碼平了兩蚊！另外，我的最愛還有蛋白燉鮮奶，不過今次食唔落！
No comments:
Post a Comment