咖喱雞炒烏冬

平時花師奶煮飯，都係食中餐多，到我煮飯時都會食點特別的。尋日放半晝，更加唔可以打苦頭，一於煮咖喱雞炒烏冬（起碼令「人」覺得好複雜嘛！）。
上次特價時買了盒咖喱磚，以備不時之需。
我鍾意食冰烏冬，貪佢夠彈牙。不過用0黎炒就要先烚軟，再隔水（要好乾身，可以再用paper towel印吓）。一包五餅煮晒，諗住自己食一餅、帶飯一餅，唐生食餅半，另外餅半帶飯。
輪到個汁啦！首先爆香雞柳（當然係要洗乾淨、切好同調味啦，唔駛講得咁清楚啦0掛！），如果有洋蔥就爆洋蔥先啦，香0的！
雞熟後加入粟米，可以加紅蘿蔔、薯仔等等（不過薯仔我就會爆香0左先！）。（睇我隻手幾滑！不過尋晚比咖喱汁彈親）
一般用一舊磚就落三杯水，不過因為要用0黎炒烏冬，個汁要杰0的，所以今次只係落0左兩杯水。
舊磚其實可以再分開四格，所以少人食的話可以用少0的！（擺出來時唐生以為是朱古力，差點咬下去！）
今次我就用晒四格，不過都要劈開先放落個煲，就會容易0的溶。要不時攪動喔，咪舊磚會沉落煲底，黐底呀！
最後炒烏冬，再加埋咖喱汁撈勻，搞掂！

最後，除了我帶了飯之外，其他都被吃清光！

說明書

噢！收到！原來係唔識用我個blog留言！

其實唔一定要sign up個GMail or Google account，只要click入Comments，然後揀Name/URL，就可以齋留名0架啦！

不過Blogger笨拙的地方是，不像Yahoo一樣，版主回覆留言之後會自動email個留言者，定係我唔識用呢？

P.S. Cherrie, 0岩0岩食埋帯飯0個份咖喱雞烏冬（好好味！），我今晚一定一定寫！

關於我

其實我的分數很接近，不過藍色是比較高分。

我希望別人都喜歡自己，而且身邊的人都能和諧共處。對於周遭的人很敏感，但凡遇上衝突、爭執或比較便會很不安。喜歡社交活動，得到別人的關懷、認同、支持和回應便能達到最佳狀態。需要覺得自己與別不同及可靠。會尋找生命的意義及重要性。需要付出、鼓勵及關心身邊的人。覺得誠實與融洽的關係很重要。是個天生的浪漫主義者以及培育者。

好準0架！我的personal life絕對是個藍血人！喜歡socialize，但過後便會擔心有冇講／做錯了甚麼而令其他人不安，搞到自己好anxious，甚至睡不着。一但發現某人不喜歡某人便會很努力地維和，發現有人不喜歡自己的話更加會崩潰。得到別人的支持和回應便能達到最佳狀態，係呀，所以成日好想有人在我個blog留言！

不過其實金色和綠色的分數也很接近，在工作上絕對是兩溝。

金色的人很有條理、工作枱永遠整齊、按本子辦事、可靠、很會留意細節、準時交貨。

綠色的人會分析問題、好想發明點甚麼去改善工作程序、希望別人認同自己的工作能力、好想靠不斷學習去增值自己。

沒錯，我的工作枱永遠都咁整齊，不過係返到屋企唔會執屋之嘛！

色＊界

今朝上了一個叫True Colors的課程，大概是說人的性格可以分為四種顏色類型，分別是橙、金、綠、藍。先要回答一連串問題，然後便可知道自己屬於咩色，了解更多的話，更可以知道身邊的人係咩色。

想做個快速測試的，請按此。

顏色背後：


橙色
代表能量，耗費肢體潛能、力量和專長。橙色是生命力、有衝勁的展示。因此，它有慾望的意思，也有很好的食慾和渴求。那些以橙色為主色的人決要達到目的、取勝、要成功。他們渴望刺激和可以全程體驗的事情。

橙色容易衝動，坐言起行，喜炫燿、挑戰、競爭、進取和有效率。換句話說，橙色就是現在。


金色
是身體的自然感覺。它代表需要負責任，履行職責和義務，組織和計劃自己和其他人的生活。那些以金色為主色的人，其價值觀是務實和顯著的。他們相信，人們應該透過為他人工作和服務而賺得他們的生活。

金色透過分擔生活上的各種責任來獲得歸屬感。它代表穩定、維護文化和組織、工作效率、計劃和可靠性。它堅定忠貞、從一而終、熱愛家庭。


綠色
表示堅持和決心，是堅定與貫徹的表達。如果某些改革不能被證實可行或沒有保證的話，它有能力對抗改變。那些以綠色為主色的人，他們重視智慧與本領高於一切，並在這些領域裡創造安全感和自尊感。

綠色的特徵是透過過分的自信和跟其他人在知識上的差距，來肯定自己的價值。他們認定數據多於感覺，所以很少因為獲得讚賞而滿足。綠色以實際運用和創造架構來表達基礎理論和資料。


藍色
代表安靜、安撫中樞神經系統。它創造生理寧靜和心理滿足。那些以藍色作為主色的人，其價值觀主平衡、和諧。他們希望擺脫緊張，過著安定、團結和安穩的生活。

藍色代表忠誠和歸屬感。當牽涉到朋友，藍色就容易受傷。藍色代表深入的感覺和一種輕鬆的敏感性。它的個性特質為富有同情心、審美觀和自我認知的反應。

藍色代表靈感、真誠和心靈上的交流，一般被保守的人選中。以藍色來放鬆自己可以幫助溝通與和解。


你覺得我係咩色呢？咁你又係咩色？給我留個言，讓我認識你多一點！

戰利品主打

除了之前提過的以及一些濕碎0野（例如毛巾洗頭水等等）之外，還買了：
荷里活女星推薦，Carmex潤唇膏。一直是用jar裝的，因為加拿大Walmart現在只carry這種。好想買tube裝的，帶岀街用比較方便，不過Shoppers只有original味，還賣$3.79，人家Target平好多喔！今次買了好多Strawberry味，架上的貨被我掃清了（其實架上也只有10支而已），做小手信也好嘛！想要的請揚聲，數量有限，送完即止！Honey Graham Oh's，在香港時好鍾意食，來到加拿大找不到，於是每次番香港都會買幾盒番0黎。我試過想食到要email Quaker總部，問他點解加拿大冇得賣。美國也不是周圍有喔，so far上次去Pittsburg見過，便上倉咁，差點吃膩了！今次行了幾間不同的店，都只在其中一間Target見到，只買了三盒，還是少食多滋味！

Target買的地燈，完全配合我新居的顏色，粉紅+啡！Bialetti 8-pc Cookware Set，也是Target買的，出發前上網看過，網上說only available online，本來都打定輸數，點知第二日逛Target時比我見到，這set一般要賣$119.99，但Target只需$79.99，另外還買了另一個有蓋的11"深一點的saute pan（當然也是粉紅色）。

另外還買了Creme Brulee Set，本想淨係要支火槍，但係冇，要連碟買，不過其實就咁買把槍都要咁上吓價錢！

可能因為之前去香港+日本時買了好多衫，今次買衫的意欲減少了，反而因為岀年搬屋的關係買了好多屋企0野，原來唔買衫，都一樣可以好滿足喔！

水牛城之旅 - Day 3

今日要12:00 check out，所以要早一點起身！11點幾便來到一直想試的International House of Pancakes，其實食物類型跟Denny's大同小異，不過平時沒得吃的，總想試試！咁遠來到當然食特別一點的啦，唔通仲食Tim仔麥當當咩？！其實IHOP在加拿大有分店，不過全都在BC省，所以有等於冇！

我點的Smokehouse Breakfast，塊hasbrown大過也脆過Denny's的，pancake用了buttermilk，煎得好香。我用了butter pecan同strawberry syrup，各有特色！
唐生點的Ultimate Breakfast，還有條strawberry crepe roll，裡面夾着strawberry，好味！

尋日在Linens n Things睇中了set刀，粉紅色的，好靚喔！不過要$100，又唔知係咪把把都用得着，唐生一直十五十六。食完早餐便決定過對面的分店再望多次，首先盤算着有幾多把真係用得着，不太用得着的也夾硬給它一個用途，然後有人話，其實＄100有13把刀，一把都唔駛十蚊。然後我話其實黑色那套都一樣價錢，起碼沒因為粉紅色而標高價錢，況且$100套KitchenAid其實也差不多啦，總不能跟$39.99有200把刀的cheap雞牌子相比⋯給自己九萬個藉口之後便買了下來！比錢的時候，收銀姐姐首先話the total comes to $108.74，然後鬼鬼鼠鼠地嘟了張coupon，結果八折後係$86.99！
好滿足地離開之後，便啟程回家！

水牛城之旅 - Day 2

第二日，10點便醒了，嘗試叫醒枕邊那位，不過失敗了，結果他12點才起身！

第一站Walden Galleria，先到Cheesecake Factory食個lunch，然後再shopping！麵包不及Carrabba's般鬆軟，不過也不賴。
我點了lunch portion的Pasta Da Vinci，以為lunch portion會細一點，原來都好大。Herbs味不太濃，sauce也剛剛好，好好味。不過唐生說有陣菜味，但我唔知菜味即係咩味，總之我覺得好味！
唐生點了Kobe Burger，當然不及神戶那舊咁入口即溶啦，不過也很juicy，也因為burger太大，吃起來有點困難。

等位時在display看中了一件White Chocolate Caramel Macadamia Nut Cheesecake，$6.95一件其實好貴，也其實好鬼肥，不過一場來到便決定試試。可是食完主菜後已經好飽，本來想行完街買件拎走，點知最後也因食唔落而打消了念頭！

到Walden Galleria的目的除了為Cheesecake Factory之外，也想逛逛Victoria's Secret同Forever 21。Victoria's Secret沒買到甚麼，不過在Forever 21買了件top同兩條頸鍊，總算有點收穫。

之後到Linens n Things為新居添置了好多東東，價錢當然比加拿大平啦！然後再到Target豪擲168元，至於買咩，遲些話你知！

逛完街，便去賭場玩玩。小賭怡情，玩了好久，兩個人輸了$30便離開。

其實那個lunch還飽到夜晚，不過唐生肚餓了，總要找點吃的！唔知點解，每次去美國都總會幫襯Denny's，本來今次是想找其他的，但因沒甚麼idea，最後也選了Denny's。

這個T-Bone Steak Breakfast當然不是我的！

這個鐵板早餐是比較便宜的item，除了鐵板上的，還有三塊pancake，當然不是我一個人食晒啦！

水牛城之旅 - Day 1

上次的honeymoon，實在不夠honeymoon，每天密麻麻的行程其實比返工更累。所以今次要來個relax一點的，沒有預設行程，想點就點！

之前一晚因為打牌的關係，朋友都問我們幾點出發，怕唔怕打得夜。然而我話，無所謂0既，幾點都得，起身咪出發囉。他們都覺得好奇怪，乜去旅行唔係有晒行程安排麼，唔係應該天未光就出發麼？沒錯，我們就是這麼隨意！終於那天大概11:00am，我們出發了！第一站去了outlet，沒有大減價，沒買到甚麼。臨出發前妹妹托我幫她買個Coach的黑色或啡色clutch bag，於是第一時間跑入Coach。這個牌子的包包我本身沒興趣，沒有認真研究款式價錢，不過每次來到都會入去逛逛，但每次都空手而回。今次受人所托，便認真起來。她說平過正價（$48）便買，我便四處搜羅，原來clutch bag有好多款，大部分正價都是48蚊的！終於找到個黑色的，不知係咪她要的款式，不過顏色對就好了，加上大割引，由$39的outlet price減到$29.99，再有八折，連稅折實$25.91，那管款式對不對，平咁多唔買就笨！相信比着她也會將價就貨，況且其他貴一點的款式其實也差不多，黑色就是沒甚麼選擇！

買完她的，自己買了件Burberry Polo Shirt，一對Converse同慫恿唐生買了一對Converse便離開。

近年去旅行都是上Priceline或Hotwire book酒店，今次連稅及手續費用$85 bid到了Hotel Indigo，是新裝修的boutique hotel，正價要成$180一晚0架！之前去Buffalo都是住outskirt的酒店，都是留在Niagara area，其實都沒正式入到Buffalo，所以今次趁著有三天時間，便住在入城的Amherst區。
每次自由行去美國都會行Target，平靚正兼且有好多加拿大冇的東東嘛！戰利品遲一點再分享。
逛完Target便到同事推薦的Carrabba's食飯。7:30去到，要等一個鐘喔！於是便在附近的店逛逛，消磨時間！其實同事已經說過這裡經常排長龍，兼且不設訂位，早知應該行Target之前來留位啦！

8:30可以入座了，先來一客麵包，熱騰騰兼十分軟熟，好味得要encore！我們點了crab cake，lobster ravioli同pepperoni pizza，本以為lobster ravioli裡的是龍蝦茸，但原來是大大舊的龍蝦肉，咁16蚊又不算貴喔！

期望

朋友常埋怨女友做得不夠，覺得她不夠愛他。

其實何謂「夠」呢？是比前度女友做得更多才是夠嗎？是心裡面有個checklist，要填滿才是夠嗎？那做得多又等於愛得多嗎？有些人可以做得很足，但最後其實是個騙子。

拍拖有一個規定的模式嗎？有甚麼「應該」要係咁的嗎？如果所有人都按着程序做，就唔會有咁多人離婚啦！

既然要辛苦去期待去比較，何不好好享受已經得到的？那管還未發生的，要來便自然會來！

奇人異事

頭先有個一拐一拐的奇人耆英入0左0黎公司借電話…

奇人：Can I use your phone?
我：Sure
奇人：Do I dial 9?
我：No, 8.

過0左一陣

奇人：I keep getting busy signal!
我：Did you dial 8?
奇人：I dialed 9.
我：No, 8.
奇人：9?
我：EIGHT!
奇人：9?
我：EIGHT!（係咪聾0架？？）
奇人：Thank you!

打完電話

奇人：Thank you!
（下刪二百字）
奇人：Are you Filipino?
我：No, I'm Chinese.（心諗：冇嘢呀？我出名白雪雪0架啦，邊忽似賓賓呀？）
奇人：You have a pretty face!
我：Thank you!

咁即係點？我有一副似賓賓的pretty face嗎？

無啦啦放大假

因為唐生無啦啦有個超難得的long weekend的關係（做retail基本上從來不會有weekend的喔！），我們決定去Buffalo。由於他放六、日、一，我便要放禮拜一去就他。寫假紙時又覺得去完旅行要休息一天，起碼要收拾行李同洗衫吧，於是便將禮拜二一併寫上。後來發現自己今個禮拜五放例假，然後下個禮拜三早上要到Richmond Hill Office上堂，順便take了afternoon off，於是無啦啦放五日半，有六日唔喺公司！

BB蕉後遺症

肚痛到死！

必定是尋日BB蕉時食了唔熟的食物，或者是食了比烏蠅嬲過的食物。總之而家就痛到死啦！

剛才叫了碗皮蛋瘦肉粥，食了兩碗仔便要停。個肚好似攪拌機一樣，一擺嘢落去，個摩打便開動，勁先進！

後來還加上狂打C egg，顧得上面又顧唔得下面！

幾時先會停呀？？？

Good Show

絕不是但，更不求其，實在是博老命的演出！

它不只是talk show，它不只是concert，它是集視覺與娛樂於一身的表演！光是看開頭的迷你舞台王者已經值回票價，不是是但噏，是有苦練過的成果！

看到永遠懷念林海峰時，我在想，到佢真係要走，我諗我會喊。就像肥姐離開時，上一代的很感觸，因為她陪著他們長大。亞Jan也是陪著我長大的，雖不至於日日追聽追看，更說不上是很迷他（對我來講，「迷」是要好靚仔的），但從軟硬到他獨立發展，他的戲每部都看，他的歌每隻都聽；曾幾何時，聽晴朗是每天上班的指定動作，他陪我渡過了好多個沉悶的工作天！

可惜沒機會看現場，不過有碟睇已經好滿足！這隻碟仲收錄了足版Part II同Part I的精彩節錄，抵睇！

我的最愛

在Costco買了盒Creme Brulee，即管試試！家裡沒有火槍，於是要用烤的！烤的話，面頭的糖不夠脆，不過依然好食，個base都不算太甜！有機會買番支火槍先，仲好味！$15.99有八杯，淨係個玻璃杯都唔止兩蚊啦！可以留番個杯下次整甜品！

失竊

今日教完書去了Brands Gone Wild，它的前身是Canadian Tire，門口依然貼着它們的貼紙。不過。點解架購物車會係：老公，你公司的財產被盜取了，要報警嗎？但係點解要用間咁遠的呢？隔離明明有間前身是Loblaws的no frills，點解唔就地取材？

火熱悶棍LaLaLa

最勤力的兩位blog友都分別出國了，沒有他們的blog，很悶。唯有自己喪寫解悶，看我今個月的post已經破紀錄了！

楊媽媽跟花花，請快點回巢復工！

叮叮蛋糕

晏晝盒lunch只食了一半，放工就有丁點肚餓。本來可以食埋餘下的半盒lunch，但不想吃太heavy的，加上今晚好像有大餐食，要留一點點肚！

忽然發現枱頭放著從日本買回來的方便蛋糕，就是加隻蛋攪勻，叮分半鐘就食得那種！本以為加隻蛋落包粉度會有排攪，點知好快便勻，無晒粒粒！有心機時間的可以將氣泡逐一篤爆，否則像我般餓到暈的可以就咁放入叮叮爐。
分半鐘之後，蛋糕便焗起！雖不像佢幅圖咁圓，但熟就得啦！以叮叮食物來講，又幾好味幾鬆軟喎！
而且唔黐底，掂！
100円店買的，一盒兩個，平過食Tim仔muffin。咁平唔知得唔得，當時只貪得意買了幾盒做手信，一人一盒，自己也只得一盒！早知買多0的啦！

眼睛想旅行

今日可以說得上是零工作，公司零人咁滯。就算老細在，她自己也holiday mood，遲到早退，10:00先返，3:00就閃，預備往New York去（點解唔帶埋我？我都好想去！！）。

沒事幹便為下個禮拜（可能）去得成的Buffalo Shopping Trip做點research，原來Buffalo除了shopping之外真的沒甚麼好做！尋日同事提起上次去Buffalo食過那家Carrabba's Italian Grill好好味，今次就一於去試！仲要試埋次次都miss out的Cheesecake Factory，聞說除了cheesecake，pasta也很好吃的！

真係未出發，先興奮！

逛街伴侶

係咪所有男人都唔喜歡格價？

雖算不上死慳死抵，但我也總算是個精明消費者，買嘢總要貨比三家，不容許買完之後後悔或用不上。

唐生就是很唔buy這個idea，覺得格價很浪費時間，見到喜歡的就應該決定，無須左諗右諗。而我卻很極端，上至名牌包包、電子產品，下至柴米油鹽，統統都要格一餐（有點病態！）。

所以，我可以跟他逛街，但真係要買嘢的話我prefer自己去。因為每次跟他逛街時買嘢，之後都會嚴重覺得唔夠時間諗清楚，繼而有很不安甚至抑鬱的感覺。為了避免嚇怕友人，很少會在跟他們逛街時買嘢，久而久之也很少跟他們shopping了！

生日不快樂

今年的生日，其實沒甚麼好說！都是食個飯而已，實在想不到甚麼要寫要紀錄的！唯一跟往年不一樣的，是今年沒有生日蛋糕，就是開到聲都沒有那種。所以，少了一個可以許願的機會，總覺得欠了點甚麼的！

處女浴

處女座開始的第一天，幫架車來個處女浴。第一次沖涼，加上是白色車，比較落力！幫架車沖完涼之後，需要沖涼的是我們！

不可思議詭異事

事件一：

禮拜五去超市買0野，後面的叔叔拿了舊牛油比收銀員，兼話佢知購物車內總共有50舊。收銀員就捏著那舊牛油嘟了50次！點解唔punch in 50，然後嘟一次呢？


事件二：

究竟呢架車係點樣反轉0既呢？點解0係parking lot都可以反車？仲要動用咁多警車、消防同救護車！

省城一日遊

由於被奶奶佔用了正日，婚後第一個生日飯要提前食。

趁著兩個都放假，搞掂正經事後先到Downtown，逛逛Bloor-Yorkville。在Gucci看中了一個包包，不過沒買，還是遲一點再算！跑入Hermes亂逛，還未到那個層次，離開。走入Cartier試了隻bracelet，依然是搞搞震冇幫襯！終於在名店街只買了杯凍飲，不過好好玩！
之後到了Cabbagetown食Stonegrill，就是在熱辣辣的石頭上煮熟塊扒。（跟十元八塊的鐵板餐不一樣喔！）
我點了Yellow Fin Tuna，只辣熟個邊便剛剛好。唐生點了Striploin，很tender。說不上是頂級的享受，不過都幾好味，用這個價錢得到的味道＋服務，實在不錯，加上stonegrill不是周街有得食，總算是個experience吧！

傷心就旅行

想出去走走，離開這個鬧市，靜靜的過幾天。

不想開太遠的車，不想花太多的錢，有邊度好去？

Buffalo/ Niagara Falls主要是shopping，Blue Mountain就齋玩齋relax，不過accomodation不便宜！還有甚麼suggestions嗎？

誠聘

急需好牙醫一名，最好在公司或新居附近（即Hwｙ 7/Kennedy/Warden一帯）。Please apply within!

熱辣辣

天時暑熱，最好食杯雪糕！今日afternoon walk走到Main Street買雪糕，揀了Mango Gelato，好好味！

兒時不愛吃雪糕筒，大抵是因為吃過7仔的無味雪糕筒，之後便抗拒了。後來發現用杯的跟用筒的一樣價錢，而杯卻食唔落肚，唔抵！於是便試食比較脆及有味的sugar cone，不過其實我最愛最貴的waffle cone！

P.S.這張相越看越喜歡，不是拍得靚，而是因為素顏＋沒執相＋只用手機拍攝，皮膚也是滑滑的！好令人羨慕喔！！

Lotus Water Treatment System

為了幫人買個lunch bag，我跑遍了整個Wal-Mart。唐生的飯盒是圓型大大個的，有別於一般老外的sandwich box，而且因為飯菜有汁，一定要平放，要找個合適的lunch bag，不容易。加上好像不是成日有得賣的，要趁着back-to-school才有機會買到。結果Wal-Mart找不到，便轉戰Can Tire。

這家Can Tire是新的（難怪GPS沒找到），第一次來，架步不熟。不過最後也找到那個perfect size lunch bag（我肯定是perfect size，因為拿了同型號的飯盒來度，那刻我覺得自己很師奶）。買到lunch bag的同時，看到這個lotus water treatment system大減價，$199.99減到$29.99，之前也有聽過這個牌子，不過沒深入研究，只知道是貴價貨。難得今次減咁多，加上新居都需要water filter，本着唔執輸的心態買了一個。甚麼淨水我不了解，那些細菌的名字我也不曉得，反正我沒有那個太空總署頒發的證書，只知道filter過的水比較乾淨，飲得安心。想了解的話可以看看這幅圖：又或者看看這個clip：

太深奧的terms我不理解，總之就是可以殺死99.99%的細菌啦！$29.99實在抵玩，加上一年才換一次filter block，還有提示燈喔！而家暫時放在basement的廚房，以後飲水唔駛上樓上啦！

當年情

從結婚／蜜月回來之後，好像跟以前要好的朋友疏遠了，回來後好像只見過兩三次。是大家都很忙嗎？還是只是大家都以為大家很忙？（甚至有一刻懷疑過今年可能沒人跟我慶祝生日喔！）

歐陽小姐回流後，加上那時超爆忙著搞婚禮，之後好像連可以讓我們抖抖氣的Gals Night都沒再搞了。 對上一次是幾時、去邊、做過咩，好像都沒印象了！其實我們還有三個gals，還應該／可以搞下去喔！

懷念以前的日子，差不多個個禮拜都見面，行街／睇戲／唱K，無憂無慮！而家，工作的工作、拍拖的拍拖、結婚的結婚、生仔的生仔，生活就是停不了！

頸梗膊痛

膊頭同頸痛得不得了，大概是得到了OL病–Repetitive Strain。每日重複著同一個動作，不是data entry便是摺信入信封，便得到了這個痛症。跟某人說了九萬次，得來的是極度懷疑的眼光，因為他始終認為我份工是坐著沒事幹的，照道理應該不會勞損。

這幾日訓醒整個背脊都好痛，尋日更差點起唔到身。頂唔順之下終於lunch time去做了半個鐘頭massage！那位姨姨的手指一掂落我條頸便痛得想大叫，然後整個過程既痛苦又舒服（好矛盾）。不過今朝起身已經冇之前咁痛，睇吓可以捱得幾耐！

之前玩yoga時係好一點，雖然只係一個禮拜做一個鐘，總好過零運動。有試過玩Wii Fit的，但始終不一樣，況且也很不定時去玩。一直都想pick up番真正的yoga，但還未的起心肝去報名，看來真的要行動了，不然到了冬天又有藉口唔去了！