是日晚餐：Chirashi

突然想食魚生飯，出去食得0個幾片，不如自己整！

 不過是煮好個日本米，加點壽司酢同糖，然後將現成的生魚片舖得靚靚的，就已經食得！

 搞掂！勁正！

餃子素麵

學生仔今日請病假，休息一天！

約了1:30做massage，不想太晏食lunch，怕吃得太飽之後趴着被人按會作嘔，於是未夠11點便食個brunch。

好喜歡食麵，尤其是日本的、白色的，稻庭烏冬、讚岐烏冬都是我的最愛。今天選了幼幼的友白髮麵，加入幾粒水餃，變成餃子素麵。
最討厭煮意粉時往往難以estimate份量，不是太多，就是太少！所以好喜歡這種一束束的包裝，不用估計，一束就是一人份。一包5份，大概兩三蚊吧，各大華人超市有售。
麵質彈牙爽滑是重要，不過只用清水煮的話，想好食都難，所以食麵最緊要湯底！

岀街食麵，因為人家的湯底熬了幾萬年，湯入味得不得了，家裡難以模仿。

好在時代進步，超市裡面已經有一瓶一罐的湯底賣，而且味道也不錯。我愛日本麵那種清清的木魚湯底，不過總不會為了吃一碗麵而在家熬幾個鐘吧！這個產品就救了我－濃縮4倍的木魚湯底，一人份的湯麵，加兩三湯匙就好，已經好夠味了！一大瓶九百幾毫升，H-Mart減價時賣$6.98，有排用！以後岀街不會叫清湯底的麵食了，要食就食在家整唔到的味道啦！

餃子炒烏冬

今日唐生放假，教完書辦點事之後便急急趕回家跟他出去食lunch。因為實在太肚餓，而他又未ready，於是便由岀街食改為快手煮。

家裡常備有餃子，順理成章來個餃子烏冬。煎餃子其實都幾花時間，平時的我為了洗少一隻鑊，會煎完餃子之後用同一隻鑊快炒烏冬。不過今日實在太餓，為了省時，罕有地用另一隻鑊同時炒烏冬！

終於，到唐生ready出門口的時候，餃子烏冬也ready放進口裡了！熱辣辣，好好味！

日式咖哩漢堡扒飯

今日做的是日式咖哩漢堡扒飯，四個人依然是食碟頭飯，只因為我懶得搞幾個小菜出來！

沒甚麼特別技巧，只是焗熟現成買來的漢堡扒，然後用咖哩磚加洋蔥蘑菇煮個汁淋上去，搞掂！

簡單也有簡單好，好食就得啦！而且有菜有肉又有飯，營養夠晒啦！

簡單做牛丼

沒有任何藉口，就是懶而已，才會四出尋找簡易食譜。兩個人食飯，最好簡簡單單，三餸一湯不是我的風格，碟頭飯、蓋飯、炒粉麵就最合適！

今晚食牛丼(gyuu-don)，是唐生的飛佛和風蓋飯之一，結婚半週年，待他好一點！

以前也試過做牛丼，不過是用現成的牛丼汁，煮熟牛肉直接淋上去就可。後來發現原來牛丼汁其實不難做，今次就試試make from scratch。

材料（2－3人份）：
肥牛肉薄片 1磅
洋蔥 1個
白飯 2-3碗

調味料：
柴魚高湯* 200mL
味醂（みりん） 4湯匙
料理酒 4湯匙
日本醬油 4湯匙
砂糖 3湯匙

*市面上有濃縮的瓶裝柴魚高湯，只要依據包裝上的比例加水煮滾便可。


肥牛我是從韓國超市買的，很腍很新鮮。買打邊爐用的也可，反正是肥牛薄片就可以。

先處理肥牛片，喜歡一大片的，這樣就好。喜歡碎碎的，可以切細一點。

洋蔥切絲備用。
除柴魚高湯以外，將調味料混合備用。

料理酒也是在同一個地方買，一大瓶$4.99，有排用。
先將柴魚高湯下鍋，加入混好的調味料，再放入洋蔥絲＋牛肉。

用慢火煮10-15分鐘，令酒精揮發之餘，也可讓汁料味道更香濃。（我就是煮得不夠耐，湯汁還是水水的）

可加入雞蛋、青蔥等，再煮1-2分鐘便可淋上白飯。

可用紫菜、黑白芝麻、七味粉、蟹子等等作裝飾。
沒騙你，真的好好味！

咖喱雞炒烏冬

平時花師奶煮飯，都係食中餐多，到我煮飯時都會食點特別的。尋日放半晝，更加唔可以打苦頭，一於煮咖喱雞炒烏冬（起碼令「人」覺得好複雜嘛！）。
上次特價時買了盒咖喱磚，以備不時之需。
我鍾意食冰烏冬，貪佢夠彈牙。不過用0黎炒就要先烚軟，再隔水（要好乾身，可以再用paper towel印吓）。一包五餅煮晒，諗住自己食一餅、帶飯一餅，唐生食餅半，另外餅半帶飯。
輪到個汁啦！首先爆香雞柳（當然係要洗乾淨、切好同調味啦，唔駛講得咁清楚啦0掛！），如果有洋蔥就爆洋蔥先啦，香0的！
雞熟後加入粟米，可以加紅蘿蔔、薯仔等等（不過薯仔我就會爆香0左先！）。（睇我隻手幾滑！不過尋晚比咖喱汁彈親）
一般用一舊磚就落三杯水，不過因為要用0黎炒烏冬，個汁要杰0的，所以今次只係落0左兩杯水。
舊磚其實可以再分開四格，所以少人食的話可以用少0的！（擺出來時唐生以為是朱古力，差點咬下去！）
今次我就用晒四格，不過都要劈開先放落個煲，就會容易0的溶。要不時攪動喔，咪舊磚會沉落煲底，黐底呀！
最後炒烏冬，再加埋咖喱汁撈勻，搞掂！

最後，除了我帶了飯之外，其他都被吃清光！

今晚食乜餸

由於婚後仍留守家中，要煮飯的機會不是很多，不過也偶爾要出手！近期試過的菜色包括：

美乃滋餃子

蟹肉扒豆苗

蛋包飯

肉醬意粉

由於反應熱烈，花師奶今晚請客又要我翻炒蛋包飯！

煮飯仔

經過多番格價，終於訂了床褥，還差床舖被枕便可有覺好訓！

難得禮拜六沒人在家吃飯，我倆便玩起煮飯仔來！先到大懵華買菜，買完後見到油炸鬼新鮮炸起，忍唔住買了一條兩份食，減低罪咎感！


今晚主打兩道菜，泰式甜酸蝦及照燒汁班柳。賣相ok，食落好味！邊個話我唔識下廚0架？