自家製奶油豬

翠華的奶油豬，實在令人回味無窮！

這裡當然沒有翠華（Well, 同名同姓的冒充者不算），就連豬仔包也難尋。

最近找到稍為近似的Dempster's Oven Fresh Dinner Roll，即管試試。

這個包的賣點是回家再烘8分鐘，就會像新鮮出爐一樣。價錢比一般的dinner roll貴好多好多喔！

豬仔包最緊要外脆內軟，這個做到了外脆，可是內軟還是欠奉。始終就不是港式的豬仔包嘛！

烘到金黃色我是辦到了，不過今次用了25% less fat兼混入Canola Oil的牛油，味道始終跟鮮牛油差好遠！難怪說一係唔好食，要食就咪怕肥！下次還是豁出去，用肥死人的牛油好了！

雖說跟翠華的還差一截，但因為唐生沒吃過原裝的，所以還是一人獨吞了四邊，而我就得番兩邊做研究！

叮叮蛋糕

晏晝盒lunch只食了一半，放工就有丁點肚餓。本來可以食埋餘下的半盒lunch，但不想吃太heavy的，加上今晚好像有大餐食，要留一點點肚！

忽然發現枱頭放著從日本買回來的方便蛋糕，就是加隻蛋攪勻，叮分半鐘就食得那種！本以為加隻蛋落包粉度會有排攪，點知好快便勻，無晒粒粒！有心機時間的可以將氣泡逐一篤爆，否則像我般餓到暈的可以就咁放入叮叮爐。
分半鐘之後，蛋糕便焗起！雖不像佢幅圖咁圓，但熟就得啦！以叮叮食物來講，又幾好味幾鬆軟喎！
而且唔黐底，掂！
100円店買的，一盒兩個，平過食Tim仔muffin。咁平唔知得唔得，當時只貪得意買了幾盒做手信，一人一盒，自己也只得一盒！早知買多0的啦！

早食早着，遲食訓唔着

今晚又沒人在家食飯，當然又係由我話事。一直想將晚飯時間提早，今晚是個好機會。由平時的八點幾提早到六點，早食早消化！簡單地煮了龍蝦丸烏冬，另加叮叮燒賣。三個小烏冬，兩個人食唔晒，剩餘份量剛好夠我帶lunch。

唔夠兩句鐘，唐生便嚷着肚餓，終於在九點擦了一大碗cereal。原來，改革需要時間。下次先試試七點半，然後七點，然後六點半，然後六點。到時應該差不多是我們離家出走的時候，到時由我全權話事，一放工便食飯，休息兩個鐘便落樓下做gym（比0左管理費0架，梗要用吓啦），咁就健康生活由此起嘞！