Leave me Alone!!!

每朝返到公司，想安安樂樂食個早餐之際，答問大會就隨即開始。

覺得點呀？
幾好吖！（仲可以精神奕奕咁返工，你覺得我點吖？唔掂我一早call sick啦，駛同佢客氣？）

重0左嗎？
今朝上磅發現輕0左兩磅。（滿意未？）

已經換了孕婦裝啦？
哪有？呢件係我以前着開的娃娃裝。（麻煩追上潮流一點好不好？）

新鮮人問新鮮的問題，我不介意答，也很感謝關心我的人。可是問以上問題的，都是那一兩個人。每天都問同一個問題，唔悶咩？

答完之後，我碗cereal已經浸到淋晒！

破綻

連日來都是差不多11點幾就肚餓，今日更誇，10:30就餓到要死了！

頂唔順之下叮個lunch食0左先講，碰巧有八卦同事在沖茶。話明八卦，見我咁早食lunch當然會搭訕。先問我係咪沒吃早餐，我說已經吃了豐富早餐啦。正當我半隻腳已經踏出lunchroom之際，她像突然醒起般大叫：哦，你梗係有0左！之後焗住點頭默認。當然啦，恭喜之餘，不可或缺的就是專家教路以及嚇人攻勢。Thank you！

題外話：將那份叮熱了的自家製肉醬意粉帶回座位吃，另一同事立即上前搭訕："Your lunch smells so good! I remember when I was pregnant, which was 30 years ago, I had to eat my lunch at 11...... blah blah blah....."

一輪歷史課之後，終於有機會吃那本來叮得好熱，卻被逼放涼了的肉醬意粉！

商務午餐

自問喜歡食0野，不過卻越來越不喜歡跟同事去食lunch了！

他們偶爾遇到家好食的，就成日話We have to go back to that place！Go back一次半次沒所謂，但不是次次都去同一間嘛！想食上海菜－去同一間，想食日本0野－去同一間，偏偏他們愛的都是貴夾唔好食的（就算本來ok，食多幾次都厭啦！）。我已經三番四次嘗試介紹另外的好地方，最後卻依然去番同一間。去番同一間都算嘞，唔好次次叫一樣的食物嘛！唉，完全違反了我不斷求變的原則！

食也要有食的文化！我食西餐時會尊重的你文化，絕不會拿對筷子來篤件三文治。同樣地，你也別在我面前用叉篤到舊小籠包比免治肉碎更爛茸茸至食0丫！

別以為唐人餐館的侍應都不懂英文，想要水要叉的話，大可以自己舉手問人要！相信簡單如water、fork等等，他們是聽得明的，別再打擾我用餐的時間啦！

還有，我不是你肚裡面條蟲，別再樣樣都問Will I like this啦！想試就試，唔鍾意就唔好食，easy！

還有還有，全公司都知道你是素食者，而我也不是第一次同你食lunch了。請你別在我忙著點菜時不斷提醒我要點些你可以吃的，我已經知道了，而且我是蠻有記性的！

公司裡的惡勢力

今日陰險同事跟另一善良同事開拖，搞到善良同事開開吓會起身撇了！後來另一班同事在討論那個惡勢力，有個同事還攬着我說please don't go，還說希望要走的是她不是我，差點搞到我也想哭（還記得離開舊公司時也有人說過希望要走的是某人不是我）！我跟這堆同事沒甚麼工作上的瓜葛，只是在同一個office，所以從沒在她們面前說過她的不是，但今日竟然有人話she's been taking advantage of you，原來公司裡的都是明眼人！一直以來都是我受晒（我也其實懶理她），我走了，她便要轉移目標，所以她們都怕這天的來臨！

她是比較bossy，公司上下的同事她都要操控，就連老細都管埋，氣得我老細一頭煙！只可惜她受公會保護，要踢她走，不容易！她也有apply過其他部門，或許是有人聽過她的傳聞吧，所以暫時沒有其他部門肯接收她。

還有兩日，我便可以甩身了！

I'm Ready!!!

其實而家的工作不是太差，只是每天做的都差不多，不斷出信、filing、policy & procedures、take minutes…做了兩年多始終會悶，也沒有發揮∕發圍的機會。加上做久了，老細開始太過依賴我，忘記了我其實是借給她暫用的。她本身個人冇乜嘢，只是一做起嘢上來有點paranoid，兼好難捉摸，有時都幾難服侍。

或許是厭倦了這份沉悶的工作，也因為知道就快可以撇，實在很期待新工作的開始。扣除假期還有16個工作天，便正式調職。好快可以脫離麻煩同事、陰險同事一干人等啦（不過我還是會miss其他同事的）！

離開，也是適當的時候。這份工，個個都覺得可以（應該）做到退休，畢竟假期多福利好兼自由度大，最緊要份工夠穩陣。不過說退休實在又言之過早，就算early retirement都要做多30年。好在公司夠大，做幾年又轉吓部門都有排玩。

只不過是幾日而已，就由唔捨得走變成好想走。女人，就係咁善變！

會面

因部門大調整＋人事工作調動關係，公司搞了個Team Meeting，要北上Newmarket開會。基本上都是meet the new team/new people，以及update新動向，所以2:30正式開始，3:40便散水。

這就是我的new team。估吓邊個係我新老細，邊個將會同我一齊坐（按圖可以放大）！

廢話

還記得麻煩同事嗎？她好久沒出場了！

其實我知道她本身沒惡意的，只是成日想撩人傾計。永遠在我最忙最唔想講嘢的時候，佢就跟我講廢話，而她的廢話真的廢到我唔識答！一般比較耐冇見的朋友都會以 "How's your marriage life?" 來打開話題匣子，但這位同事卻差不多每天都問，總之想講嘢又想不到話題時便會問。大佬呀，你個marriage life會日日改變麼？邊有咁dramatic呀？係咁刺激就唔會有咁多人對到悶要離婚啦！

其實，諗唔到講乜咪唔好講囉，我也不是悶到需要她來entertain我的！

船到橋頭自然直

上回講到諸事lay同事放假，唔經唔覺今日便復工。之前都有想過應該如何對住此人，不過今日大家都好好戲，完全當無事發生。不過始終要打醒十二分精神，實在令人精神緊張！

臨收工，收到個電話，內容大概是由於部門架構重整（是在我放假時無啦啦宣佈重整的），下個禮拜起我將會被安排負責其他工作，就連老細都轉埋，詳情有待禮拜五正式公佈。總之就是要跟Sexual Health Department脫離關係了喔，公司裡哪有一個部門比sexual health更有趣呢？轉竇，有點開心，也有點擔心。

開心的是：

• 當然是可以脫離某人的法眼，鬆晒！
• 依然可以留守在Markham Office（咪叫我relocate呀，我買屋都買公司隔離0架）
• 唔駛再頂替receptionist的breaks & lunches，可以自由選擇食飯時間
• 老細依然是山高皇帝遠，跟我在不同的office
  

擔心的是：

• 新人事，新作風，又要重新認識／適應一個新老細
• 被安排的新範疇聽起來是悶蛋工作，未必會喜歡
• 手頭上的工作不少，要交捧實在唔容易
• 由於依然留守的關係，相信舊老細有搞唔掂的事便會繼續來找我
• 雖說是留守大本營，始終是轉了team，跟本來熟絡了的同事會沒那麼close了
  

其實會唔會係因為某人做了手腳，為了免傷和氣，才作出此安排呢？不過無理由咁落本，連老細都換埋0者。Anyways，想多也沒用，看過禮拜五的memo再算！

題外話：今日同同事出去散步時，大伙兒跑到Main Street買雪糕，透心涼！

續集之幾時大結局？

被出賣，不是第一次，只怪自己一直太易信人吧！或許從現在開始，要在公司扳起臉，要看似跟全世界過唔去，要當正個個都想陷害我，要學會沉默是金。從前跟同事們有說有笑的我，可能要暫別一下了。我知道有人是真心對我好的，不過對不起，或許是閱歷尚淺吧，跟大契還有一段距離，邊個係人邊個係鬼，我還未分得清，唯有步步為營。

上一次，她篤我唔死；下一步，又會係點？收手嗎？還是煮更重米？而家大家都知發生咩事，以後我要怎樣面對她？扮沒事發生嗎？還是「應該」要面左左？雖說老細很信我，實在不需要怕她，只是咁陰濕的人還是少惹為妙，免招惹麻煩啦！（且看今日她放了假都可以遺下一點甚麼的來煩擾我就知道！）話說回來，其實我應該一早就看通，既然她可以在我面前數某某、某某、同某某，當然也應該expect她會在那些某某面前說我！一開始就已經聽說過，她常自以為是，講到全公司上下都是白癡似的，只有她一個識做0野，咁我又點會逃得過她的法眼呢？

我不喜歡也不懂耍手段，權力鬥爭也不適合我，總之不希望除了工作以外還要為其他事操心，所以一直不敢飛出private sector工作。只是估不到在做又36唔做又36的環境裡，也會出現這種人。

如果不是薪高糧準假期多，我不會幹下去。

如果不是返工近，我不會幹下去。

如果不是要供車，我不會幹下去。

如果不是要供樓，我不會幹下去。

如果我中了彩票，我不會幹下去。

如果有人同我講「做得唔開心就咪鬼做啦，我養你！」，我決不會幹下去！

辦公室心理學之有排你學

有些人，喜歡撩是鬥非，損人不利己。這些人，愛打小報告，唯恐天下不亂。這種人，你永遠不希望會出現在你公司。偏偏，我公司有一個。

她出現前，公司天下太平。她出現後，一切都改變了！

今日趁她不在，老細同我講佢篤我背脊。好在精明的老細晨早看清她的真面目，也對我投以百分百信任，否則我必死無疑。老細還千叮萬囑我要小心此人，唉，話咁易咩？防得到0既就唔係小人啦！你估我唔知佢lung0野咩，只是一直在忍，反正我倆平起平坐，又不是要爭上位，又不是要博岀位，便以為我不犯佢，佢不犯我。點知我老細話佢唔只篤我一個，I'm not the only one，仲不斷安慰我叫我咪鬼理佢講乜！點解平時對著我0地就有說有笑，但在背後卻要搞風搞雨？我以為這種人只會在肥皂劇出現，而家竟然就在我眼前！以後還要若無其事的對著她，虛偽並不是我的性格，好在她下個禮拜放假，我可以好好調節一下。

曾經也有想過避開她，但我愛我的teammate，更愛我的office。為了一個小人而離開，實在有點不值。反正根據她的往績，每個team都做不長，總之她去到邊都唔likey，覺得自己大材小用云云。我們整個team都在等待着她自動消失，期待回復以前的freedom！

看來在她離開前，要學懂一招半式辦公室自衛術了！

我好忙0架！

有冇搞錯？！你話啦你話啦，邊有人咁XX0架！Page Protector喎，梗係開口0個邊向上0架啦，common sense！點解「有人」可以將個開口向下，然後sip0的紙上去0架？搞到我要幫佢執手尾，逐張反番轉！

平時0的document唔疊齊就釘，搞到永遠都fit唔到入file，又係要我跟！人0地一般都係釘左上角，佢就偏偏鍾意釘中間，仲要一加紙就加釘，永遠唔會remove之前0的釘，搞到一份document有成十幾口釘。究竟佢0係自己個國家有冇用過釘書機0架？

激死人啦！！

Bridal Shower

公司同事今日為我搞了個Bridal Shower，我想應該是唯一一個Bridal Shower啦！這個shower他們是預先通知我的，但內容當然是保密！早幾天見他們鬼鬼鼠鼠搞lee搞路，我也要識做地迴避。
Victoria實在了解我，theme color是粉紅色，杯杯碟碟刀刀叉叉是粉紅色，汽球佈置是粉紅色，好靚！最surprise是我個manager遠道從Newmarket過來參加這個派對，她明明昨天先來過做我份Performance Appraisal，但卻絕口不提今天會過來的事，好0野！

其中一個遊戲是要分組用卷廁紙做件婚紗，他們都玩得好投入，絕無欺場！

雖然在這office斷斷續續只做了兩年多，雖然我們有著不同的膚色、來自不同的地域，但感覺也很close，而且看得岀這個party是用心搞的，感覺到同事們都是錫我的！