神奇開奶茶

先旨聲明：本篇純屬分享，有關食療醫藥之事，請諮詢執業醫師！

話說自從兩個幾禮拜前，悠悠患傷風開始，就瞓得唔好，不時半夜三點就醒，之後再難進入熟睡狀態，每個幾兩個鐘就扎醒一次，而且都是掹掹掙掙的！試過拍拍、抱抱、奶嘴、唔理⋯⋯最後都要以餵奶解決！最近傷風好番了，不過睡眠質素仍未改善，連帶我也嚴重缺乏睡眠！

悠悠個表姨婆建議試吓開奶茶，其實太婆之前已經提過要煲比悠悠飲，不過一直以為係食奶粉的寶寶要清熱氣先要飲，所以一直沒煲！原來開奶茶除了清熱氣外，仲可以開胃、定驚安神⋯⋯

香港有顆粒沖劑賣，這裡就欠奉，唯有買包原材料自己煲！香港買一劑原材料大概$10港幣，我尋晚買的要$4.5加幣，貴3倍喔！！第一次飲，揀了成份比較溫和的，都係穀芽、麥芽、燈芯花、薏米仁⋯⋯至少沒有蟬蛻、羚羊絲這些藥性成份。

煲好後自己呷了一啖，沒有想像中的苦味，大概是herbal tea的味道吧！用來開了6安奶比悠悠試飲，平時開6安會飲剩1安，今次竟然飲勝！！而且可能真係有驅風之效，飲完一陣就urg幾次氣，仲快過飲gripe water！

係巧合還是真係咁快見效呢？放低悠悠瞓覺，佢自己咿咿呀呀唱陣歌仔就瞓着。半夜四點係有叫過兩次，第一次循例睇睇，拍兩吓就瞓番，第二次呀兩聲就瞓番嘞！之後差不多七點先要食奶，中間�隔隔隔隔隔咗七個幾鐘。

反而食完早餐再瞓之後有喊過幾次，不過大概一分鐘就自己停， 都唔駛理佢！

睇嚟好似幾work喎，可以間中比佢飲一劑！ 不過呢啲漢方療法真係信不信由你，唔好問我點解比啲「咁0既嘢」個女飲，只因為我信呢套囉！

小小小手術

悠悠出世的時候，駐院的母乳顧問已經說過悠悠有點黐脷筋。因為舌頭伸得不夠岀，便會影響到吃奶，所以初初餵的時候那麼困難！

駐院的兒科醫生，一個建議剪，另一個卻說未嚴重到要剪。我們實在拿不定主意，護士便建議我們先回家看資料，研究過後才決定都未遲。

到衛生局Breastfeeding Clinic的母乳顧問也道出了同一個問題，而除了吃奶之外，我們更擔心會影響到她將來的語言能力，於是便叫兒科醫生轉介我們去看專科。

專科醫生說是botherline case，不一定會對說話有影響，不過要是想剪的話就最好在六個月前，因為大一點做就需要局部麻醉了。

我就說，黐脷筋不一定嫁得入豪門，所以不想冒這個險。



今天，要剪了！

整個過程不消5分鐘，當然會痛啦，畢竟見血的！不過悠悠好叻，步岀手術室就已經不哭了！

夜晚是有點扭計，不過還不及第二次打針咁勁，吃過Tylenol就好好多了！

雖然今次去醫院只是做個簡單的小小小手術，但心裡不禁在想，悠悠你最緊要健健康康，以後都不要來！（唔⋯⋯當上醫生護士乜師物師的話就不在此限！^.^）

悠悠打針針Round 3

三個月了！又係時候打針嚕！

今次打的是第二劑乙型肝炎針（原來上個月無打）同第一劑腦膜炎針。腦膜炎針是自費的，一劑要成八十元正，五個月大時還要打多一劑。好在我們兩份公司保險加埋足夠cover，一毫子都唔駛比！

今日去打針前比悠悠食過Tylenol，加上這兩支針沒上次咁強勁，所以只是拮落去時哭過，好快又沒事了！

是日記錄：
體重－9磅6安
身長－53cm
頭圍－38cm

悠悠打針針Round 2

話咁快，悠悠就兩個月大了！

今次見醫生要打兩支針，分別係乙型肝炎第二針，同埋 DTP/Polio/Hib混合針。另外還有口服的Rotateq，用以預防輪狀病毒。

上次打針可能因為瞓咗，所以不過喊了兩聲。今次一來清醒，二來支混合針唔係嘢少，結果喊得好響亮！


打完針都好哋哋，點知三個鐘後就開始喪喊，點抱點氹都搞唔掂！見到佢豆大的眼淚不斷咁湧出嚟都戥佢辛苦！最後打去Telehealth，姑娘話可以比Tylenol佢食，食完真係收晒聲！

下次打針前要記得落定藥先好去呀！

第一支針

尋晚半夜發現悠悠身上長滿了紅點，估計是熱痱，便同佢着少件衫。

今朝見紅點少了，不過為安全計還是去睇醫生。

醫生都認同我的做法，沒甚麼藥物治療，只要唔再多就沒問題啦！

本來也約了禮拜四做一個月的例行檢查，一場來到也一併做了。

悠悠已經有5磅12啦，好好成績呀！

另外還打了第一支針－乙型肝炎預防針，唔知係佢叻還是太懶訓，只是針拮落去時喊了兩聲，之後又繼續訓！反而返到屋企搣膠布時就喪喊，死未？！