近況

好明顯，而家對住電腦的時間少了，基本上每次不會超過十分鐘。覆message呀、email呀就沒以前般快手了，短的通常是趁餵奶時用iPhone覆，較長的就要等到有機會掂到部腦才可以動手！Upload相同寫blog嗎？好奢侈的事！

下個禮拜爸爸放完產假要返工了，到時一腳踢就更難騰出私人空間。不過blog還是會盡量繼續寫的（如果還有人想看的話），不過也許日誌就要變成週記了！

悠悠該是這麼想：

日頭明明好夢正甜就係都要搞醒我撩我玩，到半夜我唔想訓又要逼我訓！

你0地0的大人真係難服侍呀！

新玩意＋美人岀浴

回娘家坐月子的日子終於告一段落，係時候搬返自己個竇。

為迎接悠悠回家，爸爸買了個新玩意。

這個兜兜原價要$109.99，有人上個禮拜已經想買，好在比我喝住，今個禮拜有七折呀（不過都要$76.97 -__-）！

同其他款式比較過，這個有好多個玩法，可以攤平當playmat，又可以摺起做兜兜 ，最重要是粉紅色的！之前也買了個森林款，不過一放悠悠上去就喊，換了這個之後好好多！

另外，回家後爸爸第一次自己幫悠悠沖涼。還不錯，不過是落水那一刻喊了兩聲，其餘時間蠻enjoy的！

突然間⋯⋯

前日還好地地，但從尋日朝早第一餐奶開始，就岀問題了。不知怎的，悠悠就是latch唔到。已經每餐都讓她試試，但到目前為止還是失敗，最後還是要吃泵的。

究竟是哪裡岀了狀況呢？

第一支針

尋晚半夜發現悠悠身上長滿了紅點，估計是熱痱，便同佢着少件衫。

今朝見紅點少了，不過為安全計還是去睇醫生。

醫生都認同我的做法，沒甚麼藥物治療，只要唔再多就沒問題啦！

本來也約了禮拜四做一個月的例行檢查，一場來到也一併做了。

悠悠已經有5磅12啦，好好成績呀！

另外還打了第一支針－乙型肝炎預防針，唔知係佢叻還是太懶訓，只是針拮落去時喊了兩聲，之後又繼續訓！反而返到屋企搣膠布時就喪喊，死未？！