小時候都會覺得女人就是應該結婚生子，但自從知道無論順產還是開刀都好痛＋會有「被剪」這個環節之後，就覺得結婚已經足夠。
從來不是抗拒小朋友，畢竟都教過幼兒班，唔鍾意都做唔到呢份工。而且見到可愛的小朋友，我是會逗他們玩的。也許因為咁，好多人都以為我是好想自己生番個的。
錯！錯！錯！
鍾意不等於要擁有！想到養個人仔要幾多金錢時間心機，要負上幾大責任，就打消了念頭。有時自己想訓晏一點都唔得，要晨咁早起身整早餐pack lunch再送返學，完全唔係我的life style！加上嫁了個極唔鍾意小朋友的老公，就更加覺得生仔這回事離我好遠！
後來，漸覺離開三字頭已經不遠，是時候決定生定唔生，要生的話就三十前搞掂好了！於是見到可愛小朋友時就會乘機跟他說不如生一個吖，其實心底裡是好想他說不的，只要他說不，我就唔駛諗了！
可是天意就是要弄人，無論他說了幾多次不，要發生的始終要發生。既然已經改變不了，唯有改變我的生活模式啦！也唯有不斷同自己講，小朋友大得好快的，好快就識自己返學，好快就唔到我理啦！
4 comments:
don't worry,唔諗就無野架喇~~~ 諗得越多反而仲驚添。 到時太忙都唔會唔記得做左d乜架喇﹗ : D : D : D (不過見到advil減價就買定樽喇(bfing safe!)﹐依阿護士講﹕你無需要做超人忍痛窩﹐痛咪食藥囉﹗)
都係0既，煮到埋0黎就食啦！
我個friend都話其實已經痛到唔知被剪啦！可能到時已經失去知覺！
事實為﹕
阿醫生完事後話﹕“我以家幫你縫返個傷口丫!"
我心諗﹕“吓﹐乜你剪左咩﹖﹖﹖”
如果連呢句都唔講可能一世都唔知~~ ^.^
Post a Comment