今日去了York Central的hospital tour，勁多人！
首先派筆記，內容包括幾時入院以及帶咩入院等等，之後參觀五樓的Family Birthing Centre。
入院時會先被安排到分流中心被護士檢查，沒穿水又開唔夠三度的都會被踢回家，而穿了水或開到三度以上就會轉入產房。
產房的環境尚算舒服，除了生產床之外，還有梳化床、電視、按摩浴缸。
產房裡面任何時間只可以容納兩位訪客，其餘一干人等可在Waiting Room等候。呢，就是電視劇裡面成村人圍埋懶緊張地邊踱步邊等候姑娘抱個B出來恭喜一番的情節嚕，不過現實是個姑娘唔會抱個B出來恭喜你全家之嘛！
實情係寶寶出世後會跟媽媽在產房休息一個鐘，期間當然有餵奶的環節，之後媽媽便要抱著寶寶被轉介到maternity unit。轉房後護士才會幫寶寶抽血及協助沖涼等。
我是要求了私家房，不過這家醫院得兩間私家房，先到先得。爆滿的話就會被安排到雙人房。
Maternity Unit的探訪時間為早上11:00到晚上8:30，爸爸卻可從早上7:30留到晚上11:00。這裡沒有人數限制，不過也容不下幾多人吧！
沒甚麼問題的話，產後24至36小時就可以出院。
P.S.今日逗留個半鐘的泊車費索價$10.50，好過去搶！
3 comments:
叫阿經手人泊架車去對面圖書館再返黎﹐可以慳返好多尿片錢﹐哈哈哈~~~
有指定單獨與寶寶時間真好﹐話說我個時岩岩生完就有人趕唔d切甘衝左入黎﹐就搶左我個仔去囉.... orzzzzzzzzzzzzzzz
係喎！話晒都係納稅人，用吓佢個圖書館都唔係好過份0者！^.^都唔明點解OHIP唔包埋泊車費！
吓？一生完就被搶劫？個樣都未睇清楚喎！唔知York Central係咪驚調亂B呢，好似連沖涼都唔會離開你視線範圍0架！
所以我“懷恨在心”架....搶我個仔﹖﹖﹖ 哈哈哈~~ 最重要係我仲未餵佢架嘛﹐萬一miss左黃金時間佢唔肯食係咪佢負責先﹖﹗
我個時係NYGH生﹐除左驗聽力要去另一個房(不過佢地話可以的話爸爸請一起去﹐阿媽未落得床嘛﹗)﹐其它時間阿仔都係我格離架車仔度的。 之但係個時勁新手+眼瞓﹐完全唔知要做乜﹖ 連阿仔開左大都唔知呢﹗ 要姑娘來睇我時先知道。 深夜沖涼節目係比你學埋點handle BB架﹐可以帶埋相機去錄video比阿經手人睇囉﹗
我建議叫朋友s們唔洗太心急見BB﹐因為你剛生完會好需要休息﹐實在唔想好多人係個間房行來行去 [人家來了你也不好意思不招待他們﹗]。另外﹐大人也可能很多菌會染到BB和媽咪﹐所以可以的話﹐等阿B大d﹐滿左月係滿月宴見喇﹗
Post a Comment