請細心閱讀

謝謝姑姐送的書。唐生請細心閱讀，中英對照的，沒有excuse了吧！

請稍等！

很久沒寫blog，有很多事要回顧，有很多事要報告。讓我搞好時差，收拾好行李，再回復我的blogging mode！

P.S. 請不時scroll down看從5/18開始date back了的post！

我遇上了地震

早上八時許，正在狹小的酒店房化妝之際，忽然覺得好像搭船一樣，搖搖晃晃的。大聲向正在廁所gel頭的老公大叫「地震呀！」，然後他施施然出來，還說唔講都feel唔到，唉，危機意識實在薄弱！

過了一會便停了，以為只是輕微的地震，後來外出時看到報導才知是岩手縣發生大地震，成7點幾級喔！我們遇上的，是遠處傳來的震盪！

謝謝各位關心／擔心，我們還安好！

好日子

過大禮–超級雪暴

婚禮一–下大雨

婚禮二–山泥傾瀉＋黑色暴雨警告

勁呀！好難揀中三日都遇上惡劣天氣，仲要鑊鑊新鮮鑊鑊甘！真正體驗到咩叫風雨同路呀！

海洋公園自由行＋K Buffet

今日天氣還好，抽起條筋去海洋公園。其實上次返香港已經想去，可是沒機會！今次終於可以拜訪水母館及看看樂樂盈盈，可是因為相機沒電，拍不了幾多張照片！最後還是下雨了！還是叫我做Little Miss Rainy好了！

夜晚約了Karen、Maggie一干人等去唱K。之前Maggie誓神劈願話要book房，難得有人自動獻身，何樂而不為？我們還千叮萬囑她唔好留自己名，起碼就算她一如以往地遲到的話，我們也可以先開房。

我和唐生先到，可是試勻咁多人個名都找不到booking，由於歐陽小姐未放工，便打給陳小姐。

我：喂，知唔知Maggie用咩名book房呀？無佢個名喎！
Karen：我0地叫0左佢唔好用自己名book0架嘛，你試吓我0地0的名啦！
我：試過啦！無呀！
Karen：你0係邊呀？有無去錯呀？
我：安達CEO嘛！
Karen：咩安達CEO呀？我唔知叫咩名，總之要落一層0架啦！
我：係呀，再落多層有間富臨0架嘛！
Karen：咩富臨呀？我唔知喎，總之向住條馬路，有噴水池0既！
我：有噴水池呀，仲有間匯豐0架嘛，我而家咪噤緊錢囉！
Karen：（越講越confuse）有匯豐0架咩？你有無去錯呀？
我：（開始動搖）應該係安達啦，CEO嘛，有K Buffet嘛！
Karen：棟0野紅色0架喎！
我：紅色同灰色嘛！咁咪即係安達CEO囉！

之後還繼續糾纏了好耐，然後櫃台姐姐突然同我講話尖東仲有一間Neway，都有K Buffet。此時，歐陽小姐來電了。

Maggie：喂，我係用我個名book0架喎！
我：無喎，搵唔到呀！你book邊間0架？
Maggie：尖東囉！
我：個姐姐話尖東有兩間喎！
Maggie：（驚訝！）吓？咁有buffet食0個間囉！
我：兩間都有0架！
Maggie：咁呀？我問吓先！

當然，她後來發現自己book了港晶中心那間，還叫我立刻行過去。其實我和陳小姐都一致認為我們一直說的都是安達CEO，不過因為book了房有折，我們進退兩難，於是我又打比陳小姐。

我：喂，Maggie話book0左港晶，叫我而家行過去喎，我都唔知0係邊！
Karen：你咪聽佢講，總之唔好郁，我而家book房，你一陣等埋我0地先入去！

如是者，擾攘了差不多一個鐘，我們才有得入去！結論是，歐陽小姐到目前為止仍未辦妥過一件事！不過嘛，朋友間總需要一個懵懵0地的角色，謝謝她一直把這個角色發揮得淋漓盡致！

過大海之遊客必到

第二朝一早享用酒店提供的自助早餐，中西合璧，好豐富！

酒店check out後去了大三巴，仲食了義順雙皮奶及葡撻。這個雙皮奶好像找不到那層皮，還是覺得香港的比較好食！葡撻就真係好好味，尤其是那個撻皮，酥得來不像酥皮蛋撻般油淋淋，剛剛好！

食飽飽，便到漁人碼頭逛逛。還未完全完工，加上我們抽著重重的行李，所以沒逛多久便走了！

時間尚早，拎住行李又辛苦，不知點算好！忽然醒起可以將行李寄放在碼頭的locker，便立即起行！放低沉重的負擔後，唐生即刻生猛起來，再戰威尼斯人！之後食了個葡式晚餐（不外乎係馬介休球0個0的），便回程返港！

過大海之再戰美高梅

行完威尼斯人便回酒店休息了一陣，因為晏晝食了豬扒飽等等的，那晚成八點先肚餓，於是便在酒店附近找吃的！由於沒有guide book，便四處逛逛。找到家泰菜館，肚餓了，沒理會好唔好食，便決定坐低！

聽店員的口音，應該是泰國人，咁廚房都應該係啦，咁應該唔會太難食，應該會好正宗的，至少那刻我是這麼想！

點了泰式拼盤、冬陰功湯及海南雞飯。好耐沒飲過正宗的冬陰功湯了，多倫多實在沒一家令我心動！唐生吃不了辣，我也堅持要點一個來試！這裡的湯夠酸夠辣，材料十足，好味到不得了！這個二人份量的湯，我一個人喝光了！
拼盤有香葉包雞、泰式春卷、蝦餅及烤豬肉。Number 1 期待是香葉包雞，也是因為多倫多欠奉，其次是我的長期favourite春卷，蝦餅也很彈牙喔！總之樣樣都咁好食！！唐生點的海南雞飯也很香，只是欠了黑醬油，扣了一點分數！食完飯走到永利，正好遇上搖錢樹升緊上來！升到上來，轉幾個圈，變色換季，之後便降下去，然後那個洞便會合埋，沒事發生過一樣，勁！
從永利行到MGM，只需要幾分鐘。今次輪到唐生大顯神威，今次醒啦，識得映相作為呈堂證供！

過大海之決戰威尼斯人

過到氹仔，梗要拜訪威尼斯人！在豬扒飽店附近找了好久才找到巴士站，之後巴士也等了好久，唐生差點想放棄了（他就是咁唔等得），好在最後也等到了！

外表何其壯觀，裡面更加唔講得笑，映相實在映不出那種氣派！總之我下次要住威尼斯人啦！！
入到去先碰碰運氣，老虎機是我們這些「業餘賭徒」。或許是人逢喜事，又或者結婚那天落的那場雨真的帶來了好運吧，一入錢部機便叮個不停，不過得些好意須回手，贏少少便收手了！

贏了錢，心情愉快，周圍逛逛！「係咪有錢成咁呀？駛唔駛整到咁靚？！」我倆一路行一路讚歎！都係0個句，總之我下次要住威尼斯人啦！！

過大海之酒店＋豬扒飽

不靠guide book，只靠記憶，我們過大海了！上次去澳門是六年前的事，那時候沒有永利、沒有金沙、沒有威尼斯人、沒有美高梅。

本來是決定住MGM，去到中旅社買套票時，櫃台小姐介紹了置地廣場酒店，說是同級數，價錢卻平了＄600，差不多夠我倆在澳門兩天飲飲食食，於是便心軟的被游說了！酒店確是不錯，又大又舒服，只是酒店的賭場細了點！

這只是洗手間的一部分，右邊還有企缸

酒店settle後，夠鐘食豬扒飽！大利來記的豬扒飽每天準時三點出爐，這個我還記得！搭巴士到達後已差不多三點半，好在人龍還在，還未賣晒！

豬扒大大塊，豬仔飽外脆內軟，正正正！！食完順便到沙度那換領買套票附送的木糠布甸，可能是雪得耐，硬了點！