Monday Surprise

今朝返到公司，發現這份大禮！！急不及待找岀送禮者。好在裡面有張卡，原來是隔離team Jessica送的！Thank you！正準備搜羅一套新碗筷，這份禮送得正合時！

打機的最高境界

知道咩叫打機的最高境界嗎？手執NDS，玩埋online game。本以為買了部NDS我倆可以分頭行事，而家你玩晒我玩咩呀？

煮飯仔

經過多番格價，終於訂了床褥，還差床舖被枕便可有覺好訓！

難得禮拜六沒人在家吃飯，我倆便玩起煮飯仔來！先到大懵華買菜，買完後見到油炸鬼新鮮炸起，忍唔住買了一條兩份食，減低罪咎感！


今晚主打兩道菜，泰式甜酸蝦及照燒汁班柳。賣相ok，食落好味！邊個話我唔識下廚0架？

走進五星酒店 渡華麗假期

一直以來去旅行都是找家平酒店，皆因我倆都是不太在意幾星級的人，但求張床同個廁所乾淨就ok了。所以今次也不例外，做research時專攻最平的酒店。但剛才在看「好一點」的酒店網頁時，突然醒起，係喎，今次唔係一般旅行，係渡蜜月喎！係咪應該住好0的呢？起碼唔係最平0個間吖，起碼張床要舒服0的吖！一世人一次，對自己好0的啦！

旅行 旅行 逃離煩惱道別疑問

婚禮的事搞得有點煩厭，唯有轉易目標，研究蜜月行程，或許比較relaxing！

但原來也不比婚禮易搞！首先已鎖定是自由行形式，但還有好多細節要決定，例如：東京去幾多日、大阪去幾多日、買package定散買機票訂酒店、邊間旅行社／航空公司的package／班次最好、邊間酒店方便、買唔買JR Pass......

其次是行程安排，邊度一定要去、有咩一定要食／買、行程順唔順路、要預幾多時間去一個景點，還要顧及景點的開放時間以及休息日等等。

之後就要pick up番久遺了的日文。雖說都市裡的後生日本人都懂一點點簡單的英文，再唔係可以寫漢字溝通，但既然以前學過，溫習幾句旁身也不太難！之前download了日語自由行的podcast版，但一直沒時間聽，也許要開始每晚臨睡前聽番一個chapter了！

我們的主題曲

終於搵齊Ceremony的歌，互聯網真偉大！

接著要從龐大collection裡選岀合意的用來在晚宴時播。正想load CD入iTunes時，發現有幾隻碟得個盒，隻碟不翼而飛，肯定是漏了在唐生架車啦！好快0的還番比我！

快快趣趣搞掂埋又可以check one thing off the list！

兩個月

兩個月，即係61日。話多唔多，話少唔少！

今日突然開竅，發覺自己這幾個月來都沒有就快結婚的興奮心情（即是就快可以同心愛的人一齊生活那種心情嚕），反而集中了注意力在如何搞好個婚禮，感覺就像working on一份仲有兩個月就要交的final assignment一樣，係咪有點本末倒置？

或許因為晨早搞掂了婚紗晚裝以及婚紗相等等比較有代表性的事，現在餘下的工作都是比較悶蛋的，所以似做assignment多過似籌備婚禮吧！

我都想可以好好享受那重要而又屬於我倆的一天，奈何現今社會太注重派頭面子了。擺酒本來為了讓大家來祝賀新人，但若有任何閃失卻會招人話柄，甚至會得失貴賓。所以嘛，就算是一朵花、一對筷子，我也希望可以做到最好（雖然已經有好多人安慰我話，除了我以外，根本沒人會注意那些細微細眼的瑣碎事）！

如是者，為了搞好一天（actually係兩天）的婚禮，我忘記了最重要的一環，就是為婚後的二人生活作安排！

婚禮是一天，婚姻是一生。這個道理我應該早就要明白！

想找個舒服床舖

終於訂了床！

本來上星期去的，但因大風雪關係順延到今天！點知今天竟然有個No Tax Sale，所有new order免稅，抵！

下一步睇mattress同床舖被枕，one more thing off the list!

古董（二）

在Facebook上無意中發現了自己兒時的照片，你話0丫，無啦啦比人post相上網自己又點會知？

好在呢張尚算影得唔錯，還記得揹著的是Keroppi手袋仔，再看看手上的陳年GameBoy，就知道我屬於那個年代！

還記得post相上網的吳嘉然，但忘記了參加過這個farewell party......

派帖

講起派帖，真係激到跳舞！

本來咁早過大禮是為了有多點時間去派帖，唔駛大家趕頭趕命。偏偏我家花師奶好像想來個多倫多一日遊，一炮過搞掂似的，日日催我比帖比餅卡她去派。唉，我要print label and RSVP card，唔係求其「了 」個名上個信封度嘛！加上有些人又得個名，又唔知人姓乜，點print呀？再者，有些人反正不是立刻會見到的，給我一點時間好嗎？

那邊廂，男家的親友我一個都唔識。三催四請都未能交岀賓客的全名，又點print呀？

一個催命符，一個懶懶閒，我卻夾在中間，往後的日子有排挨！

過大禮

終於過大禮了！橫風橫雪，一度想取消。可是好日已擇，心急的花師奶又想快0的派帖，所以如期舉行！

本來只是簡簡單單，但愛搞0野的花師奶又怎會放過可以搞0野的機會？於是由一家人的事變成大排筵席。


飯後過大禮，原本花師奶話以利是代替，跟住話係咁咦買少少，然後這樣少少、那樣少少，最後變成咁：

古董

收拾家居時發現了古董

我該如何處置它們呢？又唔知裡面有咩，唔知仲有冇用，家裡又冇電腦有floppy drive。點線？

美勞堂＋座位表

今日（終於）收到早前在香港訂製的喜帖，剛剛趕得切今個禮拜六過大禮用（係非常mun，曾經想過未收到都照過大禮）！今晚的活動就是摺餅卡、摺帖，以及將return address label小心翼翼地貼在信封上。簡直考起向來美勞沒拿過比C更高分的我！

那邊廂花師奶還在煩惱seating arrangement的問題，在此呼籲必到的賓客盡快賜覆，減低花師奶及小妹的煩惱，謝謝！

鏡頭再轉向另一面，究竟此時此刻，人人在忙的時候，新郎哥在幹嘛？呼呼入睡是也！

無聊IQ題

明明有190人，而每張枱坐10人，點解fit唔到落19張枱呢？

倒水期

剛過去的週末非常充實（即係忙），兼豪洗幾百蚊！

禮拜五放假，先去Civic Centre申請Marriage License，盛惠一百大元！再去Paperland訂信封及買紙print table number，小數目，冰山一角！然後申請passport，另一個八十七元正！橫豎身處Scarborough Town Centre，順便來個小shopping，只在Gap買了條裙，終於比我等到，＄68減到＄25.99，久等了！最後到church drop off documents！好累！

禮拜六，例行公事－打牌。戰敗！

禮拜日，訂了嫁女餅，又來五十一元正。

明天買餅卡，再被淹五百四十元正！

現在宣佈，正是踏入婚禮倒水期！原來愛情真係有價0架！