醫生與我

想約個時間看我的靚仔醫生一點也不易，試過一次星期三打去約，秘書小姐說最快的appointment要下個禮拜三！今天本也不打算看他，反正傷風感冒看醫生也幫不了甚麼。

因為某些原因我要到他的醫務所pick up點東西，趁著今天不上班便走一趟。去到的時候，向來與我關係良好的秘書小姐Amy跟我打起招呼來，還翻查appointment book找我的名字，以為我是來看醫生的，於是我便誠實起來，順便博一舖。

我：我冇booking㗎，嚟pick up嘢之嘛！我都想有book到呀！
Amy：我記得你呢幾日有book到𠺝！
我：下個禮拜三吖嘛，睇報告呀！.... 佢今日有冇cancellation呀？
Amy：冇喎.... 你係咪想....
我：係呀，我就嚟死啦！
Amy：要等㗎𡃓！你好快㗎下話？
我：梗係啦，我想lor藥之嘛！
Amy：唔好呃我喎！
我：幾時有呃過你吖！

於是，成功博到舖的我便乖乖地坐在一旁等。今天也不算太忙，結果等候時間比平時book咗的還要快！

靚仔醫生：你今日個樣同平時唔同喎！對眼dup到得番一半，又唔係咁多嘢講！
我：係呀，今日真係病吖嘛！
靚仔醫生：之前嗰啲假㗎？
我：唔係，不過嗰啲唔會影響精神吖嘛！
靚仔醫生：你今日患咗精神病呀？
我：係呀，係咪冇得醫啦？

---

回家煮個通粉吃後便準備倒頭大睡，可是剛睡著的一剎那，電話便開始響個不聽。接過第四通電話後便放棄午睡，之後，電話便沒再響過了！勁吹漲！