開放日

今日有間學校開放日，地點適中之餘，又係Montessori School，就帶埋悠悠去八吓！

本來打算各單位輪流湊吓，頂到兩歲幾才讓悠悠入學，唔駛咁快睇住啦！但經驗媽媽們都話而家睇定，揀得0黎排得隊就差不多啦！（今日真係見到有父母帶住newborn去參觀，相信是報infant program的。）

提起Montessori，好多人都會話好貴，但確實有幾貴又沒人話到我知，於是趁開放日乘機找答案。

入到第一個campus，悠悠表現得好開心，不時跟校長笑，又好像好有興趣周圍望咁。

之後也順便參觀埋不遠的另一校址。

今次悠悠除了不停笑同發出開心的聲音之外，睇睇吓仲狂拍手呢！！唔⋯⋯應該好喜歡返學嘞！（安樂晒！^_^）

臨走時仲要搞吓Santa喎！

其實我也較喜歡這個校址，校舍大一點，遊樂設施也多一點，不過是多幾分鐘車程囉！

至於學費嘛，因為大肚時也參觀過另一家daycare，心目中也有個概念。坦白講，跟那家比較，呢間Montessori又真係唔貴喎！至少到兩歲半的學費都很合理，兩歲半之後的我還未開始research啦！

或者會考慮報定名，等悠悠歲半就可以去吓part time，慢慢適應／投入求學生涯啦！