你是不是該安靜的走開

慣常午飯的food court內有家味道不錯的店子，本來好想多多幫襯的，可是那位bi li ba la的收銀姨姨卻煩得令我卻步。

上次買了個担担麵，她已千叮萬囑我要把碗底下的醬刮起來，我當然有照做啦！吃到一半的時候，她竟然從店面跑出來，說我還未刮得徹底。唉，我就是喜歡不太杰的湯底嘛！

今天打去order時，本來一碗麵只需用幾秒時間落單，最後：

我：唔該一個酸辣雲吞湯麵丫。
她：唔…酸辣湯麵係咪？
我：酸辣雲吞湯麵喎！
她：酸辣雲吞，即係唔要麵呀？
我：唔係…酸辣雲吞湯麵呀。
她：哦，嗰個係$5.99 o架喎。
我：OK！（心諗：食唔起呀？）
她：15分鐘ㄚ。
我：轉頭o黎，bye bye！

到取時，她又o黎了：

我：頭先打o左o黎o架。
她：係咪酸辣雲吞湯麵呀？
我：係！
她：好大碗o架喎，你食唔食得晒呀？
我：食唔晒o架！（心諗：你有得比我嗌半碗咩？）
她：哦，咁如果真係食唔晒呢就… … … （下刪五千字）

其實，那家店的食物水準確不錯，只是如果可以安靜點吃就比較好！


另外，剛發現架車的油缸已達谷底。這架車最大問題是肚餓時不會發出B或叮的聲響，只會默默地亮起黃燈，到被我發現時已經餓壞了。