重返青春期

是新春煎炸後遺症，還是爆炸壓力併發症？臉上的痘痘大爆發，一發不可收拾！

想必是唔夠瞓累事！近期開始出現撻落床好耐都未能入睡的症狀，每次都因為太多嘢諗。想想還有咩要做、還有咩想做…其實籌備的工作已做了好久，以為早點開始到埋尾就容易點。但原來沒關係的，無論幾早開始，有很多事都要等到尾段才能落手，而且到時到候便會醒起好多嘢，簡直有做極都做唔完的感覺！有幸並感謝各方好友自動獻身，真係好感動！Thank you!!!!

此時此刻，我好想快點完成，睡個好覺，痘痘從此消失！

越大鑊 越快樂

子華show，好睇、抵睇！

扣除「煙他搣唇」都有足三小時show time，抵睇過演唱會！

自從決定買飛那刻開始，便斷絕所有有機會爆gag的媒體，務求在毫無心理準備的情況下入場！

基本上個show跟香港的內容應該無異，不同的當然是有提及在香港做show時還未出現的熱門話題！我好buy佢個point，點解要反對亞嬌唱歌呢？係咪做過就唔唱得歌呢？玉女只是鏡頭前的形象罷了，而我覺得她在鏡頭前絕對做好了她的角色，至於鏡頭後做咩關人鬼事？相信好多人都係返工一個樣，放工一個樣0架啦，so what？如果說玉女便不能做，那麼周慧敏跟倪震這幾年是神交的嗎？咁我又明點解男的經常被傳偷食啦！

那一夜有沒有雪

連日來的風雪實在大，年三十晚那場就更是厲害。到唐生家吃過年夜飯後，架車就舖滿了雪。掃完又舖滿，掃完再舖滿，沒完沒了！


積雪淹沒了我對腳，好難走！

返到屋企，雪堆到差點開唔到門！

幾時先落完雪呀？？

終於一百日

想不到大年初一竟然是倒數一百日的日子，也是倒數香港婚禮四個月的時候！越逼近越緊張啦！

想起今年是最後一年逗利是，有點感慨！希望最後一年，大家會識做疏爽點啦！明年就要獲利回吐了！

煩事兩面睇

選擇困難症對我的影響暫時不算太大，只是有時make唔到decision會好心煩意亂，不過這個病卻幫到我減肥。有時沒帶lunch要出去食，但會因為唔知食乜好而想了幾個鐘，最終搞到唔肚餓或唔想再煩便放棄了食lunch。

所以，凡事向好的一面看，便會找到出路！

What Type of Bride will you be?

Your result is: You Will Be a Traditional Bride!

You're the type of girl who is feminine, old fashioned, and totally traditional.

You've been dreaming of your wedding day since you were young

And you can't wait to be a princess in your big white gown.

It's likely that you'll have a big family wedding and take your husband's name

While a huge affair will be fun, just don't go all Bridezilla about the color of your napkins!


有無咁準呀？？

Proposal

心郁郁想買多套晚裝，一來本身有一套不太合意，二來原來我的collection都很保守，所以想買條比較sexy的！人家說，結婚那天唔露就沒機會啦！在天賦本錢還好地地的時候，就要盡地一舖了！再者，那個晚上絕不能失禮你嘛！

所以嘛，請董事長給我一個筆直，我會盡量配合，以不透支為原則，揀條靚裙讓你迎娶過去！


請填妥以下回條作實：

□同意 　□批准